سجل حضورك.................. ببيتين شعر؟؟؟؟؟؟؟؟

‏​‏​‏​​​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​ ‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏دكتـو ر ياللـه جهز الغرفه الحين
ونـاد استـشـاريين علم الجراحه
دكتور تكفى مانبي نكون شخصين
شف لك طريقه تختصر هالمساحه
مابي تخـلي بيننا يـسـار ويمين
ادمـج بعـضنا ببعض لوهي اباحه
مالومـك اليـا قـلت عنا مجانين
العقـل راح وسـمح الله مـراحه
حنا انتبـنج من تجي العين بالعين
محنـا بحاجـة للمـخدر صراحه
دكتور لحظـه بس تبي تبدي منين
ابيك تبـدى فيني مـاقوى صياحه
ماقـوى نزيف الدم من ناس غالين
وماقـوى على دمعه بحزة مطاحه
دكتور تـكفى بس اعلمك بامرين
ودي صبـاحي مـايفارق صباحه
هالادمي يـسوى بـعيني ملايين
حكمـت قلبه واستطعت اكتساحه
لكن امـانه تـبتدي فيني الحين
حاول تخيـطنا بـسلـك الجراحه